«Зегьы абраҟа Аԥсны шәбара акыр гәахәарала иҳадаҳкылоит. Аҳәынҭқарратә Еилакы ахьӡала 1992-1993 шш. Аԥсны жәлар рџьынџьтәылатәи еибашьра аҿы иҭахаз ргәалашәара иазкны зымаха-зышьаха еибгам аинвалидцәа рыбжьара ашьапылампыл маҷ азы X Жәларбжьаратәи атурнир «Аиааира Ахраҿа» аартра шәыдысныҳәалоит. Шәара шәыҩнуҵҟатәи шәымч-шәылша баны аԥсҭазаареи аусуреи рзы иумоу агәазыҳәара еизҳауеит. Идуӡӡаны иҭабуп ҳәа шәасҳәарц сҭахуп. Гәык-ԥсыкала ишәзеиӷьасшьоит агәабзиара, ақьиара, ақәҿиарақәа», - ҳәа иҳәеит Џьемал Гәыбаз.

Атурнир рхы аладырхәуеит хә-командак: «Кузбасс» (Кемерово), «Динамо - Алтай» (Барнаул), «Монолит» (Казань), «Махачкала» (Махачкала) , «Аԥсны» (Аԥсны Аҳәынҭқарра).

Ахәмаррақәа есыҽны, асааҭ  10:00 рзы ԥыхьатәи аминисрцәа Реилазаара Ахыбра аҿаԥхьа иҟоу ашьапылампыл дәы-маҷ  аҿы имҩаԥыслоит. Ихыркәшахоит абҵарамза  9 рзы.