АЖӘАБЖЬҚӘА
сегодня 13:55
Витали Шилин: аполигон «Алаҳаӡы» аҿы аусурақәа аҵыхәтәантәи рсиа шьақәдыргылоит аԥшаарақәа рышьҭахь
«Витали Шилин аекономикатә ҿиареи, аинформациатә технологиақәеи, анаплакра адгылареи рзы Ауаажәларратә палата акомиссиа аилатәараҿы далацәажәеит аполигон «Алаҳаӡы» аҿы имҩаԥгаз агәаҭареи анаҩстәи аусурақәеи ртәы.
Аексперт иажәақәа рыла, аобиект аиҭашьақәыргылара мҩаԥгатәуп екологиала ишәарҭамхарц, иааҳакәыршаны иҟоу аԥсабара иҽеим анырра анамҭарц азы.
Аусмҩаԥгатәқәа аҵыхәтәантәи реиқәыԥхьаӡеи урҭ рыхәԥсеи ралкаара алшахоит аԥышәа змоу апроекттә еиҿкаара имҩаԥнагаша анџьныртә ԥшаарақәа рышьҭахь.
Аԥшаарақәа раан иалкаатәуп аполигон аҿы адгьыл аҟазшьарбагақәа, анхарҭатә ргылареи аӡытә обиектқәеи рҟынӡа рыбжьаӡара. Аԥшаарақәа рылҵшәақәа рыла апроекттә документациаҿы аусурақәа реиқәыԥхьаӡеи рыхәԥсеи шьақәыргылахоит, аполигон азы аҭаӡара ахәшьара аҭахоит.
Аҟәа иахьаҵанакуа иҟоу агәамсамкаԥсарҭа «Алашарбагеи» Гал араион аҿы иҟоу агәамсамкаԥсарҭеи ртәы ҳҳәозар, уажәтәи аусутә ныҟәара аҳәаақәа ирҭагӡаны аспециалистцәа урҭ ирҭаауамызт.
«Ҳара уи аҩыза адҵа ҳзықәгыломызт. Уи ыҟазҭгьы, ҳәарада, ҳаҭаауан», – ҳәа ациҵеит Шилин.
