Анхарҭатә ҩнқәа ԥхьаҟа аӡы рыҵалара аԥыхразы араион акоммуналтәи анџьныртәи маҵзурақәа аусурақәа ркомплекс мҩаԥыргеит. 200 метра инаӡо ақәаршҩымҩангага ҿыц шьҭаҵоуп. Ааигәа-сигәа иҟоу аҵакырақәа рыхьчаразы 150 метра аура змоу аӡкыра рӷәӷәоуп, иара убас километрак рҟынӡа инаӡо аӡымҩахгага жуп.
Маҷара ақыҭеи Гәылрыԥшь аҳаблеи рҿы адгьылҳәазарақәа рҟынтәи ррыцқьаразы аусурақәа мҩаԥгоуп, иара убас иԥхасҭахаз амҩақәа еиҭашьақәыргылоуп.
Аҳәынҭқарра Ахада ԥхынгәымза 20, 2026 шықәсазы иҭижьыз ақәҵарала атәыла ахада ирезервтә фонд аҟынтәи араион иазоужьуп 4,15 млн мааҭ. Арҭ аԥарақәа азырхоуп аԥсабаратә рыцҳара иахҟьаны зыҩнқәеи змазареи ааха зауз Гәылрыԥшь араион ауааԥсыра ацхыраара рыҭара. Ашәарақәа зегьы ауааԥсыра рҟынӡа инагахоит аамҭа кьаҿк иалагӡаны.
