Аԥыза-министр инаҵшьны иазгәеиҭеит амедицинаҿы аҭҵаарадырра ароль, ажәа риҭеит адгылара шриҭо ала.
«Зыӡбахә ҳамоу Аԥсны атомтә медицина атехнологиа ашьаҭақәа раԥҵароуп. Аинститут алшарақәа амоуп арҭ аусурақәа Урыстәылатәи рколлегацәеи дареи русеицурала рырҿиара. Аиҳабыра адгылара ҳарҭеит. Шықәсык иалагӡаны иаԥаҳҵоит ари ахырхарҭа аҿиара аконцепциа», - иҳәеит аиԥылара иалахәыз Анатоли Марколиа.
«Сара сгәы иахәеит адгылара ахьҳауз. Ҳара анаука-ҭҵааратә проект наҳагӡоит, уи Аԥсны ахархәара аиуп ҳәа ҳақәгәыӷуеит», - иҳәеит Геннади Ремнев.
