Аԥсуа шахматасҩы драцлабуан 2008 шықәсазы иизи , урҭ иреиҵбызи арԥарцәа. Нестор аа-партиак реихшьалақәа рыла аԥхьахәтә ҭыԥ игеит ҳәа аанацҳауеит аспорт азы Аҳәынҭқарратә еилакы апресс-маҵзура.
Атурнир еизнагеит иӷәӷәаӡоу ашахматасыҩцәа, аспортсменцәа қәыԥшцәа реиԥш атитул змоу ахәмарыҩцәагьы. Урҭ иреиуоуп жәларбжьаратәи агроссмеистерцәа ҩыџьа, жәларбжьаратәи аҟазацәа ԥшьҩык, ФИДЕ аҟазацәа хҩык.
