«Уажәы Аԥснынтәи Шәачатәи ашьхақәа рахь анеиразы атурист амшын аԥшаҳәахьы дылбааны аҳәаа дахысны ҿыц ашьхаҟа дхалароуп. Аибга ақыҭа иахьаҵанакуа аушьҭырҭатә ҭыԥ аус ауазҭгьы, хаҭалатәи атранспорт ала аныҟәара акыр иманшәалахон», —иҳәеит аминистр.
Иара иазгәеиҭеит иаку атранспорттә мҩа аԥҵара аӡынтәи аԥсшьара арманшәалареи, аусурҭа ҭыԥ ҿыцқәа раԥҵареи ишацхраауа. Аха уажәазы аԥшьгамҭа апроект аԥхьатәи астадиаҿы иҟоуп.
