Бадра Гәынба асас аԥсшәа иаҳәо инаҵшьны иазгәеиҭеит Донецктәи жәлар рреспубликаҿы аҭагылазаашьа шыуадаҩугьы иара ара дшыҟоу, уи акыр шаҵанакуа.

«Ҳара иаадыруеит уажәы ареспубликеи афронти рҿы аҭагылазаашьа шымариам, аха аамҭа шәыԥшааит шәашьцәа аԥсуаа шәрыдгыларц азы. Ҳара ари адгылара ахә ҳаракны иаҳшьоит», - ҳәа азгәеиҭеит ахада.

«Иахьа ҳажәларқәагьы, ҳабдуцәа реиԥш азеиԥш принципқәеи аидеалқәеи рыхьчоит. Ҳара иаҳҭахуп ҳаԥсадгьылқәа рҿы анхара, аҿиара. Аԥсны иалҵыз ҳаҷкәынцәа рыжәҩа еибыҭаны Урыстәыла ажәларқәа ирыдгыланы еибашьуеит. Ари ԥхьаҟатәи абиԥарақәа злаҽхәаша ҭоурыхуп»,- иҳәеит иара.

Донецктәи жәлар рреспублика ахада Денис Пушилин иакәзар иҭабуп ҳәа реиҳәеит ааԥхьаразы, иазгәеиҭеит Аԥсни Донбасси 2014 шықәса раахыс ишеизааигәо.