Апрограмма иалалеит зыхьӡ-зыԥша хара инаҩхьоу В.Царгәыш ихьӡ зху Аԥсны аҳәынҭқарра зҽаԥсазтәыз ансамбль ақәгыларақәа. (асахьаркыратә напхгаҩы — Аԥсны жәлар рартист, Ҟарачы-Черқьессктәи Ареспублика жәлар рартист Валери Ҭаниа).
Артистцәа амилаҭтә фольклор абеиара зныԥшуа апрограмма ҷыда аздырхиеит.
Аԥснытәи аколлектив ақәгыларақәа мҩаԥгахоит Москватәи аҳәынҭқарратә академиатә театр «Аурыс ашәа» асценаҿы, Владимиртәи афилармониаҿы, иара убас Мстислав Ростропович ихьӡ зху Нижегородтәи аҳәынҭқарратә академиатә филармониа Кремльтәи аконцерттә зал аҿы.
Ари ҩ-тәылак ркультура аминистррақәа русеицура аҳәаақәа ирҭагӡаны есышықәса имҩаԥысуа проектуп. Аԥсны Урыстәылатәи амшқәа мҩаԥгахоит мшаԥымза аҽеиҩшамҭазы.
Урыстәылатәи Афедерациа акультура аминистрра анапынҵала Урыстәыла акультура амшқәа еиҿнакаауеит РОСКОНЦЕРТ.
