Аидара дәықәҵан Аԥсны Ахада Бадра Гәынба инапынҵала.
Агуманитартә еидара шьақәгылоуп ацитрустә шәырқәа, ахрыӷ, аконфеҭқәа уҳәа рыла.
Аделегациа аилазаараҿы дыҟоуп Аԥсны амчратә усбарҭақәа Рассоциациа ахантәаҩы Баҭал Агрба.
«Ааԥсареи есымшатәи аибарххарақәеи шыҟоугьы араҟа ауаа аидгылара аадырԥшуеит. Агуманитартә цхыраара, ари афатә зҭоу кәалаԥ мацарам, уи иаанарԥшуеит иҷыдоу арратә аоперациа ацәаҳәаҿы иҟоу ауаа адгылара шрымоу», - ҳәа азгәеиҭеит Ҭемыр Агрба.
Жәабранмза 22 рзы Аԥснытәи аделегациа аҭааит Ахра Аҩӡба напхгара зиҭоу, милаҭ рацәала еилоу илегендатәу абригада «Пиатнашка».
