Иахьа телехәаԥшрала иқәгылараҿы Аԥсны Ахада иҳәеит Москва имҩаԥысыз Сергеи Кириенкои иареи реиԥылараҿы ари азҵаара шышьҭихыз уи адгыларагь шиуз.
Риҵа Сақаниаԥҳа иазгәалҭеит ииашоуп ҳәа ишылыԥхьаӡо ҳбызшәа аҿиара аус аҿы ҳаамҭазтәи атехнологиақәа рхархәара. Аҵарауаҩ илҳәеит лхаҭа дшалахәу иԥсабаратәым ахдырра аԥсшәа аларҵәаразы ажурналист Анна Гәниаԥҳа аус здылуыло апроект.
