Аҟәа. Ажьырныҳәамза 7, 2026 шықәса. Аԥсныпресс. Афестиваль «Амандарин» аҳәаақәа ирҭагӡаны аплатформа «Гәыма» аҿы имҩаԥысуеит мышкы аус зуло ацәыргақәҵа-џьармыкьа.
Аусмҩаԥгатә аслоган «Иҟаҵоуп Аԥсны» аҵаҟа еиднакылеит аҭыԥантәи афермерцәеи анапҟазацәеи. Ацәыргақәҵа-џьармыкьа аҿы ицәыргақәҵоуп акерамика (акыцӡры), аҿыханҵа, амилаҭтә инструментқәеи асувенирқәеи. Ахәҭакахьала, аҟазарҭа «Ашыц» ицәырнагеит зыхә ҳараку аҵламаҭәахә иалху аҟаҵамҭақәа, аҟаза Даҭо Гьергьедаа иакәзар – дамассктәи аџыр иалху автортә ҳәызбақәа ӡыригоит.
Ахәаахәҭратә цәаҳәақәа рнаҩс аплошьадкаҿы еиҿкаауп аарԥшӡагақәа (аҩычагақәа) рыҟаҵара, «ембру» ҳәа изышьҭоу атехникеи асаркьа аус адулареи рзы аҟазара аклассқәа. Аҭааҩцәа рзы иара убас еиқәыршәоуп атематикатә фотозона.
Ацәыргақәҵа-џьармыкьа аартуп асааҭ 17:00 рҟынӡа. Изҭаху зегьы уи иаҭаар рылшоит.
