«Иацы ҳара алшара ҳаман аусмҩаԥгатәқәа жәпакы рҭаара. Сара ҷыдала иазгасҭарц сҭахын Мықә ақыҭан ҳазҭааз аусмҩаԥгатәқәа. Ихаданы исыԥхьаӡоит мрагыларатәи Аԥсны атуристтә потенциал арҿиара азҵаара. Ас еиԥш иҟоу ахҭысқәа, ҳәарада, ҳтуристтә индустриа мрагыларатәии мраҭашәаратәи ҳәа аихшарада иааизакны арҿиаразы хра злоу аҭагылазаашьақәа аԥнаҵоит», - ҳәа иазгәеиҭеит Бадра Гәынба.
«Шәареи ҳареи ҳаиқәшаҳаҭхеит, аусеицура ахықәкқәа ишыруаку излауа ала Аԥсны аекономика аҩаӡара ашьҭыхра. Уи имариам хыдҵоуп, аха аҵыхәтәантәи ашықәсыбжа ала иубаратәы иҟан абиуџьет ахашәалахәқәа 30% рҟынӡа ишазҳаз.
Хазы иҭабуп ҳәа сҳәарц сҭахуп, Бадра Зураб-иԥа, Аԥсны жәлар зегьы аибашьратә хҭысқәа ахьцо ҳҵакырақәа рҟынтәи ахәыҷқәа гәаартыла иахьшәыдышәкылаз азы», - ҳәа иазгәеиҭеит Сергеи Кириенко.
Аганқәа анаҩсгьы аҩганктәи аимабзиаратә еизыҟазаашьақәеи аусеицуреи рырӷәӷәара, Аԥсны асоциал-економикатә ҿиара иацхраауа апроект ҿыцқәа реицынагӡара ишазҿлымҳау рҳәеит.
