Ари аԥшьгара аҳәаақәа ирҭагӡаны ақалақь ашколқәа рҵаҩцәа Надежда Курченко лыхьӡ зху апарк аҿы 12 шьапы аҵлақәа – аҷамҵлеи аолеандри еиҭарҳаит, иара убри ала урҭ ақалақь аиқәыршәазаара аус аҿы хра злоу рхатә лагала аларгалеит.
Акциа аиҿкааҩцәа – Аԥсны ахәыҷы изинқәа рыхьчаразы Азинмчы змоу Иаппарати Азинмчы змоу иҟны иҟоу Ауаажәларратә хеилаки роуп.
Ахәыҷы изинқәа рыхьчаразы Азинмчы змоу Мактина Џьынџьалԥҳа ари акциа ашколхәыҷқәа рзы аекологиатәи атәылауаҩратәи ааӡара, рықалақь гәакьа ахь абзиабареи ахӡыӡаареи рзы ахатә ҭакԥхықәара анагӡара, уҳәа рзы аԥышәатә урокны ишыҟало азы агәыӷра аалырԥшит.
