Аинформациатә Маҵзура ТАСС иҟанаҵо адыррақәа рыла, шьҭарнахыс иарбоу атәылақәа рҿы инхо атәылауаа Урыстәылаҟа ацарада ртәылауаҩшәҟәқәа рыԥсахреи ма раиуреи рзы алшара роуеит. Арҭ азҵаарақәа рыӡбалоит ареспубликақәа рҵакыраҟны аамҭала аус зуло Урыстәыла Аҩныҵҟатәи аусқәа рминистрра аусзуҩцәа.

Ари аиҭакра иарбоу ареспубликақәа ртәылауаа урыстәылатәи атәылауаҩра рыдкылареи урҭ урыстәылатәи атәылауаҩшәҟәқәа рыҭара апроцедура аҷыдарақәеи иадҳәалоу Урыстәыла Аҳәынҭқарра Ахада иусԥҟақәа ҩба рышьаҭала инагӡахоит. Ақәҵара инапы аҵеиҩит Урыстәыла аԥыза-министр Михаил Мишустин.