«Уи аҳәса-лахәылацәа рџьабаа алҵшәа ашьҭыхра, рҭаацәа рекономикатә ҭагылазаашьа еиҳа арӷәӷәара, аҭыԥантәи аҭыжьратә еилазаара арҿиара азы иманшәалоу аҭагылазаашьақәа шьақәнаргылоит», - ҳәа иазгәаҭоуп Аҟәа ақалақь аҿы иҟоу Еиду Амилаҭқәа Реиҿкаара афатә-ажәтәи ақыҭанхамҩатәи аиҿкаара (ФАО) апроекттә офис  апост-релиз аҿы.

Аусмҩаԥгатә аҳәаақәа ирҭагӡаны алахәылацәа апроект ахықәкқәа рзы, уи аетапқәеи адгылара аформақәеи рзы хра злоу адыррақәа роуеит, иара убас уаанӡа имҩаԥгаз апроектқәа рҳәаақәа ирҭагӡаны Еиду Амилаҭқәа Реиҿкаара афатә-ажәтәи ақыҭанхамҩатәи аиҿкаара (ФАО) аус рыцзухьаз аҳәса рҭоурыхқәа раҳаит.

«Еиду Амилаҭқәа Реиҿкаара афатә-ажәтәи ақыҭанхамҩатәи аиҿкаара (ФАО) аҳәса-афермерцәа адгылара рыҭара иацнаҵоит, анхамҩа амҩаԥгараҿы ҳаамҭа иақәшәо азнеишьақәа ралагалареи апрофессионалтә дыррақәа реизырҳареи рганахьала ацхыраара рынаҭоит. Ҳара агәыӷра ҳамоуп ари апроект иҭышәынтәалоу ақыҭанхамҩеи Аԥсны ақыҭанхамҩатә раионқәеи рыҿиаразы хадара злоу инструментны иҟалоит ҳәа», - иазгәалҭеит Аҟәа ақалақь аҿы иҟоу Еиду Амилаҭқәа Реиҿкаара афатә-ажәтәи ақыҭанхамҩатәи аиҿкаара (ФАО) апроекттә офис ахада Алеқсандра Смычкович.

Апроект ахацыркра  – аграртә сектор аҿы аус зуа аҳәса акыр аамҭа зҵазкуа адгылара рыҭаразы иӷәӷәоу ашьаҭа акра ахь даҽа шьаҿакны иҟалоит.  

Апроект нагӡахоит аҿиареи аусеицуреи рзы Швеицариатәи агентра (SDC) иҟанаҵо афинанстә цхыраара иабзоураны.