Сынтәа Аԥсны Абанк асериа «Аԥсны афауна» («Фауна Абхазии») иацызҵо, зыхәԥсаҵәҟьа 50 ԥсар иҟоу иҿыцу агәаларшәагатә банкнота «Дельфин» аӡыргара мҩаԥнагеит. 2023–2024шш. рзы иарбоу асериа аҿы иҭыжьын абанкнотақәа  «Ахьшь» («Ястреб»), «Кавказтәи зыжәла бзиоу абнаҽацә» («Кавказский благородный олень»), «Алышькьынтыр» («Леопард»).

Аԥсны Абанк абанкнотқәа даара азҿлымҳара бзиа аиуит: урҭ адунеи 30 тәыла рҟынтәи аколлекционерцәа рыла иаахәан, адҵааларақәа ирыцҵан ацәыргақәҵа анхыркәшаха ашьҭахьгьы. Иара убас ацәыргақәҵа аҿы иӡырган 2026 шықәсазы иҭыжьыз абанкнотқәа ремиссиа «Нестор Лакоба», «Аԥарԥалыкьқәа» («Бабочки»).

Ас еиԥш иҟоу аусмҩаԥгатәқәа рылахәхара Аԥсны Абанк иазаанартуеит аусуратә еимадаратә лшара ҿыцқәа.  Ахәҭакахьала, гонконгтәи ацәыргақәҵа аҳәаақәа ирҭагӡаны аԥараҿырпытә еилазаарақәеи аукционтә ҩнқәеи аиқәшаҳаҭрақәа рыбжьаҵан. Аԥсни Абанки иарбоу аиҿкаарақәеи аусеицура рыбжьарҵахьеит.