Апансионат анапхгараҭара рԥылараҿы апансионат аинфраструктура архиара азҵаарақәа ирылацәажәеит: ауажәларратә крыфара азонақәа, асанатортә комплекс анџьныртә коммуникациақәа рҭагылазаашьа. Ҷыдала ахшыҩзышьҭра аҭан апансионат аҵакыраҿы иҟоу акультура аҩны аҭыԥантәи аҿар алархәны арҿиаратә усмҩаԥгатәқәа рымҩаԥгара азы ахархәара алыршара азҵаара.
«Аҭыԥантәи ауааԥсыра адгылара рыҭара акырӡа аанагоит, ахәҭакахьала ахәыҷтәии аҿартәи аусмҩаԥгатәқәа рымҩаԥгаразы аҭагылазаашьақәа раԥҵарала», – ҳәа иазгәеиҭеит аминистр.
Аминистр иара убас зномерқәа амшын аҟәара иаԥну ацәаҳәаҿы иҟоу акорпус ҿыц «Айтар-Море» даҭааны игәеиҭеит.
Асҭамыр Логәуа апансионат ахьыҟоу аҭыԥи апотенциали засаб азурала уи абазаҿы анаҩс атуристтәии азҩыдатәратәи амаҵзурақәа иҿыцу аформақәа рырҿиара алыршахоит ҳәа инаҵшьны иазгәеиҭеит.
