Аилатәара рхы аладырхәуеит Аҳәынҭқарра Ахада ихаҭыԥуаҩ Беслан Бигәаа, араион ахада Исидор Дочиа, Жәлар Реизара-Апарламент адепутатцәа Герман Качарааи Беслан Емырхәбеи, Шьаҭанкыла аргылара Аусбарҭа ахада Демир Гамисониа, араион Ахадара анапхгараҭара.
«Иалаҵоуп амшцәгьа иахҟьаны ироуз азарал азы ҩажәи жәиԥшь арзаҳал. Аиҳарак урҭ аҩнқәа ирыхнахыз ахыбрақәа ирызкуп. Аусурақәа мҩаԥысуеит, ақәоураха аӡәгьы аганаҿы даанҳмыжьӡеит. Сгәаанагарала, ҩымчыбжь рыҩныҵҟа ҳара аҭагылазаашьа инагӡаны арҽеира ҳалшап ҳәа», – Аҳәынҭқарра Ахада адырра иҭеит Шьаҭанкыла аргылара Аусбарҭа ахада Демир Гамисониа.
Бадра Гәынба излауа ала аиҭашьақәыргыларатә усурақәа мҩаԥгатәуп ҳәа иазгәеиҭеит.
Аҳәынҭқарра Ахада апрофильтә структурақәеи аргылаҩцәеи рахь адҵа ҟаиҵеит амшцәгьа иахҟьны ааха зауз ауааԥсыра аамҭа кьаҿ иалагӡаны ацхыраара рыҭара алдыршарц.
