Аҟәа. Лаҵарамза 8, 2025 шықәса. Аԥсныпресс. Аԥсны Аҳәынҭқарра Ахада Гәынба Бадра иахьа Москва днеит. Урыстәылатәи АФедерациа Ахада Владимир Путин иҟаиҵаз ааԥхьарала Гәынба Бадра иԥшәмаԥҳәыс Ҳашыг Ирма дицны Аџьынџьтәылатә еибашьра дуӡӡаҟны Аиааира 80 шықәса ахыҵра иазку аныҳәатә усмҩаԥгатәқәа ирылахәхоит, урҭ рахьтә ихадараны иҟалоит Ашҭа Ҟаԥшь аҟны имҩаԥысуа апарад.
Лаҵарамза 10 рзы иазԥхьагәаҭоуп Аԥсны Ахада Гәынба Бадреи Урыстәыла Ахада Владимир Путини злахәу ҩ-ганктәи аиԥылара. Аҳәынҭқаррақәа рхадацәа аԥсны-урыстәылатәи аусеицура азҵаарақәа жәпакы ирылацәажәоит.
Ари ҳазҭоу ашықәс азы Гәынбеи Путини аҩбатәи хаҭалатәи реиԥылара ауп.
