АЖӘАБЖЬҚӘА

02.Мшаҧы.2025

Мшаԥымза 2 рзы – иналукааша Аԥсны аҳәынҭқарратә усзуҩ Альберт Тополиан диижьҭеи 90 шықәса ҵит.

Аҟәа. Мшаԥымза 2, 2025 шықәса. Аԥсныпресс. Иахьа Аԥсны аҳәынҭқарратәи ауаажәларратәи аусзуҩы, Аԥсны Афырхаҵа,Ареспублика Аԥсны Иреиҳаӡоу Асовет ахантәаҩы ихаҭыԥуаҩ (1992-1996 ш.)  Тополиан Альберт Гаспар-иԥа (диит мшаԥымза 2, 1935 ш.) иԥсы ҭазҭгьы ихыҵуан  90 шықәса.

Абиографиа

1976-1990 ш. рзы В. Шервашиӡе ихьӡ зху Аҟәатәи ақалақьтә хәышәтәырҭа №2 аҿы гәыхәышәтәҩыс аус иуан. 1990ш. рзы иара еиҿикааит аермантә культура-гәыҳалалратә хеилак «Крунк» («Аӡыцәа») 2001 шықәсанӡа напхгара зиҭоз. 1991ш. рзы Аԥснытәи Ареспублика Иреиҳаӡоу Асовет ахь депутатс далхын. 1993шш. рзы, Аџьынџьтәылатә еибашьра 1992-1993 ш. раан Альберт Гаспар-иԥа Тополиан иаԥшьгаралеи иҽалархәралеи еиҿкаан Аԥснытәи Арбџьар Мчқәа ирылахәны еибашьуаз, Аиааираҿы злагала рацәаз, аерманцәа рбаталионқәа ҩба. А.Г. Тополиан аибашьра ашьҭахьтәи аамҭақәа рзы Апарламент аҿы иааникылон Апарламент Аиҳабы ихаҭыԥуаҩи Аԥсны аиҳабыраҿы аԥыза министр ихаҭыԥуаҩи рмаҵураҭыԥқәа.

 

 

 


Read 50 times
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2025
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.