Иазгәаҭатәуп Урыстәыла амобилизациа уажәраанӡагьы ишрылаҳәахоз, уи 1914, 1941 шш. рзы акәын. Уи Актәи Адунеизегьтәи аибашьреи Аџьынџьтәылатәи Еибашьра Дуӡӡеи раан ауп ианымҩаԥгаз. Арҭ ахҭысқәа аполитикатәии аеконоикатәии ақәыӷәӷәара инамаданы, жәларбжьаратәи аусқәа рҭагылазаашьа шьаҭанкыла иаԥсахуеит, ахәҭакахьала, ҳажәлар рҭынч ԥсҭазаара акыр ашәарҭара иҭанаргылоит.
Иҟоу аҭагылазаашьа арџьаџьацәареи, ашәаӡыӡара аларҵәареи гәҭакыс иҟамҵаӡакәа, милаҭрацәала еилоу Аԥсны ажәлар ҳара зегьы ҳшәарҭадара азҵаарақәа ӷәӷәала ахшыҩзышьҭра арҭар ахәҭоуп ҳәа иазгәаҳҭарц ҳҭахуп.
Қырҭтәыла аполитикатә мчрақәа ирӡаӡом ҳтәыла ареванштә мпыҵахалара азы агәхҭакқәа шрымоу. Жәларбжьаратәи ҳдипломатиа аҽазышәарақәа маҷымкәа ишыҟанаҵахьоугьы, амчра ахархәара мап ацәкра азы ҳабжьара Аиқәшаҳаҭра анапаҵыҩрада иаанханы иҟоуп.
Ари аҩыза иуадаҩу аамҭа азы Аԥсны жәлар Рконгресс анагӡаратә Комитет ҳтәыла аҿы аус зуа ауаажәларратәи аполитиатәи амқәа зегьы акзаареи аидгылареи аадырԥшырц азы ааԥхьара аҟаҵара уалны иадуп. Акзаара ауп мчыс иҳамоу!
Аԥсны жәлар Рконгресс аполитикатә партиақәеи ауаажәларратә еиҿкаарақәеи рахь ааԥхьара ҟанаҵоит:
- Аҳәынҭқарратә суверенитет ахьчара азы Урыстәылатәи Афедерациа инанагӡо ауснагӡатәқәа адгылара аҭара.
- Иҷыдоу арратә операциа амҩаԥгара аамҭа иалагӡаны амассатә политикатә усмҩаԥгатәқәа рымҩаԥгара мап ацәкра.
Ҳара зегьы Ԥсадгьылк ауп иҳамоу! Ҳажәлар еидызкыло лахьынҵак ауп!
Шәааи ҳаидгылап иахьа, ари иуадаҩу аамҭа азы иҳахьчап ԥхьаҟатәи ҳаԥеиԥш бзиеи, Аԥсны хра злоу аҿиареи ҳаизҳазыӷьареи рзы иҳамоу азини!
