Аԥснытәи ажәеинраалақәа реизга иалалоит 30 иарзынаԥшуа аурыс бызшәала еиԥш ауаԥс бызшәалагьы изыҩуа Нхыҵ Уаԥстәылеи Аахыҵ Уаԥстәылеи ҳаамҭазтәи апоетцәа рырҿиамҭақәа. Ауаԥс бызшәала иҭыжьхо аизга ианылоит аԥсуа поетцәа Владимир Занҭариа, Геннади Аламиа, Анатоли Лагәлаа, Саида Делба, Даур Занҭариа, Лелиа Тәанба, Абзагу Акалгба, уҳәа егьырҭ ражәеинраалақәа. Ажәеинраалақәа зегьы апатриоттә, алирикатә, гәӷрала иҭәу анашьҭымҭа аҳасабала еизган.
«Аԥсуаа ауаԥсааи реиҩызара иҵауло аҭоурыхтә шьаҭа амоуп, ари апроект аҩ-жәларык еиҳагьы реизааигәахара, наҟ-ааҟ рлитература еиӷьны адырра алнаршоит. Уи акультурабжьаратә еимадара, аилибакаара, аусеицура иацхраауеит», – ҳәа инаҵшьны иазгәалҭеит Залина Басиева.
