Иара убас, аминистрцәа Реилазаара Артур Кьыркьынаӡе иҭаацәа асоциалтә дгылара рыҭара иазкны иназыцҵоу ақәҵара рыдыркылеит.
Иҭахаз хатәгәаԥхарауаҩ иҭаацәа ахәыҷқәа зегьы рыцыԥхьаӡа есымза ирызшәалахоит жәаба-жәаба нызықь мааҭ.
«Аҭаацәа рҟынтәи аӡәы ицынхо ахәыҷқәа жәаа шықәса рхыҵаанӡа, иара убас ицынхо ахәыҷқәа абжьаратә иҷыдоу, мамзаргьы иреиҳаӡоу аҵараиурҭақәа ҽынлатәи аҟәшақәа рҿы аҵара зҵо 23 шықәса рхыҵаанӡа рыцыԥхьаӡа рзы асоциалтә шәатәқәа шьақәыргылазааит», - ҳәа иазгәаҭоуп ақәҵара атекст аҟны.
