Аҟәа. Абҵарамза 27, 2024 шықәса. Аԥсныпресс. Ареспубликатә стадион аҿы шьҭа традициала ишышьақәгылахьоу еиԥш, Аԥсны атлетика лас Афедерациа ала еиҿкаахо «Ҭагалантәи аиԥхныҩларақәа» мҩаԥысит, ҳәа адырра ҟанаҵоит Аԥсны аҿари аспорти русқәа рзы Аҳәынҭқарратә Еилакы.
2007-2009 шш. рзы ииз аспортсменцәа рыбжьара 5000 метр рҟынӡа инаӡо адистанциа аҿы актәи аҭыԥқәа ааныркылеит – Дамир Хмаили Лолита Хмаили, аҩбатәи аҭыԥқәа - Ҭемыр Габуниеи Саломеиа Ҳаразиеи, ахԥатәи аҭыԥқәа - Данил Берзениеи Даниела Адлеибеи.
2010-2012 шш. рзы ииз аиԥхныҩлара алахәылацәа рыбжьара 3000 метра рҟынӡа инаӡо адистанциа аҿы аиааира ргеит Иарослав Воробиови Саломеиа Ҳаразиеи, аҩбатәи аҭыԥ ааныркылеит - Ерик Асланиани Лолита Хмаили, ахԥатәи аҭыԥ ааныркылеит - Алеқсеи Бондари Маргарита Лахинеи.
2013-2015 шш. рзы ииз аиԥхныҩлара алахәылацәа рыбжьара 1500 метра рҟынӡа инаӡо адистанциа аҿы актәи аҭыԥқәа ааныркылеит Ернесто Аҳәба, Арина Кьышьмариа, аҩбатәи аҭыԥқәа ааныркылеит Ервин Асланиани Леиа Гәбази, ахԥатәи аҭыԥқәа ааныркылеит - Алан Берзениеи Софиа Чаабали.
2016-2017 шш. рзы ииз аспортсменцәа рыбжьара 1000 метра рҟынӡа инаӡо адистанциа аҿы аиааира ргеит Роберт Торосиани Дариа Алеқсандровеи, аҩбатәи аҭыԥ ааныркылеит – Леон Берзениеи Евелина Аҳәбеи, ахԥатәи аҭыԥ ааныркылеит - Лука Барганџьиеи Мила Матуеи.
