Аҭыԥ ахь инеиз аоператив-усеилыргаратә гәыԥ ишьақәнаргылеит, ааха зауз Аҟәа ақалақь аҿы инхо Девид Гобечиеи Лииа Агрбеи шраку. Ашьаусԥшаара ацашьа атәы аминистр изеиҭеиҳәеит Аҟәа араион аҩныҵҟатәи аусқәа рыҟәша аиҳабы Русҭам Бжьаниа.
Роберт Кьиут Аԥсны атәылауаа ҩыџьа рықәлара афакт иаарласӡаны иҭырҵаарц азы анапынҵа ҟаиҵеит. «Ҳара ари аус ишақәнагоу иҭаҳҵаароуп, ари аҵак ду амоуп. Обиективла ашьаусҭҵаара ҳазнеироуп, иаҭаху амчи алшареи адаҳҵароуп иҟалаз шыҟалаз аилкааразы», — ҳәа иҳәеит Роберт Кьиут.
Аилатәара иара убас рхы аладырхәит аҩныҵҟатәи аусқәа рминистр ихаҭыԥуаҩ Руслан Ажьибеи аминистр ихаҭыԥуаҩ, аҩныҵҟатәи аусқәа Рминистрра ашьаусеилыргара Аусбарҭа аиҳабы Елеонора Карагозиан.
