Абоксиорцәа зегьы еиндаҭларак-еиндаҭларак мҩаԥыргеит – ҩ-минуҭк ирҭагӡаз х-раундк.  Аиаиааира згаз деилкаахеит доусы ироуз акәаталақәа рыла.

Акапантә категориақәа зегьы рҿы аиааира згаз ахраҿақәеи амедалқәеи ранашьахеит. «Иреиӷьу абоксиор», «Аиааиразы агәазыҳәара азы», «Иреиӷьу атехника азы»  аноминациақәа рыла иалкаахаз аспортсменцәа  адипломқәа рынашьахеит.  

Даҽа ҳамҭак, иҷыдоу ахраҿа –– Аинар Кәыҵниа ианиаамҭаз дызҵанакуаз 52 кьыла иҟоу акапантә категориа иаҵанакуа рыбжьара аиааира згаз ианашьахеит.  

Аинар Кәыҵниа, Аԥсны аспорт азҟаза, Аҟәеи Подольски аҟоу абокс ашколқәа рааӡамҭа иакәын. Иара урыстәылзегьтәии жәларбжьаратәии атурнирқәа рҿы изныкымкәа аиааирақәа игахьан, акырынтә Аԥсны дачемпионхахьан. Аха, рыцҳарас иҟалаз, аспортсмен илахьынҵа цәгьахеит, уи 2019 шықәса, ԥхынгәымза 12 рзы Аҟәа ақалақь агәаны дшьын.