Иарбоу азҵаарақәа рзы аинформациа ҟарҵеит аԥыза-министр актәи ихаҭыԥуаҩ, аенергетикеи атранспорти рминистр Џьансыхә Нанба, аԥыза-министр ихаҭыԥуаҩ, аекономика аминистр Кристина Озган, аԥыза-министр ихаҭыԥуаҩ, афинансқәа рминистр Владимир Делба.

Александр Анқәаб иарбоу азҵаарақәа ахылаԥшра азҭо ихаҭыԥуаҩцәа ихадоу арбагақәа рынагӡара, 2024 шықәсазтәи абиуџьет анагӡара, Аинвестициатә программа аҳәаақәа ирҭагӡаны, иара убас ареспубликатә биуџьет ахарџь ала зыргылара мҩаԥысуа аобиектқәа рхаҭабзиара, уҳәа иарбоу апрограмма анагӡара алыршара ахшыҩзышьҭра арҭарц азы азԥхьанҵа риҭеит.