Аҟәа. Нанҳәамза 12, 2024 шықәса. Аԥсныпресс. Аҟәа ақалақь аҩныҵҟатәи аусқәа Русбарҭа аусзуҩцәа иахьа, нанҳәамза 12 рзы, Аҟәа ақалақь, аџьармыкьа Хада аҿы иҟалаз аинцидент иалахәыз ихаҭара шьақәыргыланы дааныркылеит.
Асааҭ 12:20 инарзынаԥшуа Гәлиа имҩала автомашьына «Митсубиси паджеро» аԥсҟы зкыз, 1964 шықәсазы ииз, Москва ақалақь аҿы инхо Габриелов Олег Лев-иԥа апассаџьырцәа рааныжьра дшаҿыз, имашьынала ааигәа игылаз, 1974 шықәса рзы ииз, Аҟәа ақалақь аҿы инхо Аҩӡба Беслан Ума-иԥа имашьына дахьҳәазеит.
Амашьынарныҟәцаҩцәа рыбжьара иҟалаз аимак-аиҿак аисрахь икылнагеит. Беслан Аҩӡба Олег Габриелов имашьына аԥхьатәи асаркьа ԥиҽит, иара ахаҵагьы дисны ахәахәарақәа иниҵеит.
Иарбоу афакт ала инагӡаны аматериал зегьы еизгоуп, уи инақәыршәаны аусеиҿкааратә ӡбамҭа рыдыркылоит, ҳәа адырра ҟанаҵоит аҩныҵҟатәи аусқәа Рминистрра апресс-маҵзура.
