Аҟәа. Нанҳәамза 9, 2024 шықәса. Аԥсныпресс. Сандро Цымцба 13-14 шықәса зхыҵуа арԥарцәа рыбжьара абокс азы Европа Аԥхьахәгара афинал аҟынӡа днаӡеит.
Афиналбжа аҿы иара Болгариатәи аспортсмен Николас Николов диааит, ҳәа адырра ҟанаҵоит Аԥсны аҿари аспорти русқәа рзы Аҳәынҭқарратә Еилакы. Аԥснытәи аспортсмен Урыстәыла еизгоу акоманда аилазаараҿы зыкапантә категориа 63 кьыла рҟынӡа инаӡо рыбжьара дықәгылоит. Аԥхьахәгара мҩаԥысуеит Боснииеи Герцоговинеи ақалақь Баниа-Лука аҿы.
Аԥснытәи аспортсмен аицлабрақәа рҿы дицуп уи иазыҟаҵаҩ Едгар Қриа.
Сандро Цымцба 13-14 шықәса зхыҵуа арԥарцәа рыбжьара Урыстәыла Аԥхьахәгара аҿы аиааира игахьеит. Уи Гагра араион Ахәыҷтәы-қәыԥштә спорттә школ №1 азыҟаҵаҩцәа Едгар Қриеи Елизбар Џьологәуеи рааӡамҭа иоуп. Иара раԥхьатәи азыҟаҵаҩыс имаз - Владимир Шульгин иоуп. Прочитано 162 раз. Последнее изменение 09.08.2024.
Источник: https://www.apsnypress.info/ru/home/novosti/item/12597-sandro-tsimtsba-vyshel-v-final-pervenstva-evropy-po-boksu.
© АПСНЫПРЕСС.
