Аҟәа. Ԥхынгәымза 26, 2024 шықәса. Аԥсныпресс. Аԥсны Аҳәынҭқарра Ахада Аслан Бжьаниа Феридун Аҟәысба (Аксои) иԥсҭазаара дахьалҵыз инамаданы адышшылара ҟаиҵеит.
«Гәалсра дула иҳадаҳкылеит Ҭырқәтәыла иҟоу аԥснытәи акультуратә центрқәа Рфедерациа аиҳабы Феридуп Аҟәысба иԥсҭазаара далҵит ҳәа иҳауз ажәабжь хьанҭа.
Феридун Аҟәысба иԥсадгьыл ԥхьаҟатәи аԥеиԥши алахьынҵеи хәыцырҭас иман. Иара Ҭырқәтәыла иҟоу аԥсуа диаспореи Аԥсни рыбжьара аимадара арӷәӷәара азы иҟаиҵаз даараӡа ирацәоуп. Иара амҳаџьыраа рхылҵышьҭрақәа рҭоурыхтә Ԥсадгьыл ахь рырхынҳәра азы мҽхакы ҭбаала аусура мҩаԥигон.
Феридун Аҟәысба ианашьан Аԥсны иреиҳаӡоу аҳәынҭқарратә ҳамҭа – «Ахьӡ-Аԥша орден» III аҩаӡара.
Феридун Аҟәысба иԥсҭазаара алҵра – Аԥсни аԥсуа жәлари рзы цәыӡ дуны иҟалеит.
Зыдунеи зыԥсахыз ҳашьа, ҳҩыза иуацәеи иҭынхацәеи срыдышшылоит», - ҳәа иазгәаҭоуп Аҳәынҭқарра Ахада иҟаиҵаз адышшыларатә цҳамҭа аҿы.
