Аҟәа. Цәыббрамза 9, 2022 шықәса. Аԥсныпресс. Цәыббрамза 9 рзы, Ҟабарда-Балкариа административтә ҳәааҿы Аслан Бжьаниа хадара ззиуа аԥснытәи аделегациа даԥылеит Ҟабарда-Балкариатәи Ареспублика Аиҳабыра ахантәаҩы ихаҭыԥуаҩ Муаед Кәнижев.
Асасцәа ачеиџьыка рнапы иқәҵаны, амилаҭтә кәашарақәеи ашәақәеи рыла ирԥылеит.
Анаҩс, Аслан Бжьаниеи аԥсуа делегациа алахәцәеи Баксан ақалақь аҟны ар рԥыза Сулҭан Сосналиев инышәынҭра иаҭааит, ара ашәҭшьыҵәрақәа шьҭарҵеит. «Сулҭан Сосналиев аҟабарда жәлар мацара дырҵеиӡам, Кавказ зегьы даҵеи лашоуп. Ҳҳәынҭқарра ашьақәгылараҿы уи иааникыло аҭыԥ ахә ашьара уадаҩуп, уи ҳара ҳмилаҭтә фырхаҵа иоуп. Даара ҳизгәыдууп. Уи ихьӡ ҳазгәдуны ҳхәыҷқәеи, еизҳауа абиԥарақәеи ирызнаҳгалоит», - ҳәа иҳәеит Аԥсны Аҳәынҭқарра Ахада Аслан Бжьаниа.
Аслан Бжьаниа Муса Шанибов, Заур Налоев, Бисарби Бжаноков, Муҳамед Кушхов рнышәынҭрақәа дырҭааит.
Аҳәынҭқарра Ахада иусуратә ныҟәара Аиааиреи Аԥсны Ахьыԥшымреи рымш азгәаҭара, иара убас Ҟарачы-Черқесиатәи Ареспублика, Ҟабарда-Балкариатә Ареспублика, Адыгеиа Ареспублика 100 шықәса рхыҵра инамаданы имҩаԥысуеит.
