«Уи нахыс аԥсахга маҭәахәқәа, аматериалқәа, аиқәыршәагақәа, уҳәа рыхәԥса акыр ишьҭыҵит. Иазҳаит иара убас афымцамч азы атарифқәа. Убас, кВт/с. азы 0,01 мааҭ рҟынтәи 0,70 рҟынӡа уи ахәԥса шьҭыҵит. Иара убас, иҟоу афымцаеихшарҭатә станциаеиҵақәа шьаҭанкыла аиҭашьақәыгылара рҭахны иҟоуп», - ҳәа иаҳәон адепутатцәа рахь иҟаҵаз ааԥхьара атекст аҟны.
Ари азҵаара алацәажәара ашьҭахь адепутатцәа атроллеибус ала аныҟәара ахәԥса жәа-мааҭк рҟынӡа ашьҭахразы аӡбамҭа рыдыркылеит. Убри аан иӡбоуп ашколхәыҷқәа зегьы рзы уи шхәыда-ԥсадахо.
