Анаҩс астарт ахь ицәырҵит «ицқьаны анагӡареи ашьамхыҵарреи» рзы 115-125 см. иҟоу амаршрут алахәылацәа.  115 см. рҟынӡа инаӡо аҳаракыразы аиааира ргеит  Лиудмила Куликовеи уи дзықәтәаз 14-шықәса зхыҵуа аҽан Диарадеи. 125 см. рҟынӡа иҟоу аҳаракыраҿы аиааира ргеит Екатерина Бобровеи уи дзықәтәаз  9-шықәса зхыҵуа ақьақәеи Куик Ем.

Раԥхьатәи амш азы еиԥш уажәгьы аиҳарак аибарххара ацын зегьы реиҳа иҳаракыз амш амаршрутқәа 130-140 см. рҿы.  Аԥсны Ахраҿа агаразы аицлабра аҿы амаршрут дуқәа ирылахәыз реиҳарак, амаршрут еиҳа ауадаҩрақәа шацызгьы еиҭа гхада афиниш аҟынӡа инаӡеит.  Аҵыхәтәан, 130 см. рҟынӡа иҟоу аҳаракыра аҿы аиааира ргеит Игорь Василиеви уи дзықәтәаз Олимписки Огонь России ҳәа ахьӡ ҷыда змоу аҽыҩи.  

Амш азы зегьы раасҭа иуадаҩыз 140 см. иҟоу  амаршрут аҿы зегьы ираԥхьагыланы иҟалеит Наталиа Симониеи уи дзықәтәаз аҽыҩ  Кваренгии, урҭ 27,89 секунд рыла хгада афиниш аҟынӡа инаӡеит, иара убри ала иацы аиааира згаз  Сергеи Петрови уи дзықәтәаз Ламур Зети (28,70 секундк) аҩбатәи аҭыԥ ахь инаскьаргеит.  Ахԥатәи аҭыԥ ааныркылеит  Михаил Атоиани уи дзықәтәаз аҽыҩ Казино Роиали (29,16 секундак).

Мшаԥымза 28 рзы ахәаԥшцәа ирбар рылшоит  140 см. иҟоу амаршрут ала 1 миллион. мааҭ рҟынӡа инаӡо аԥхьахәтә фонд аиуразы аиндаҭлареи 150 см. иҟоу амаршрут ала Гран-при аиуразы аиндаҭлареи.  

«Симониаа рҭаацәара реиҿкааратә дгыларала абар шьҭа хәынтәны имҩаԥысуа Аԥсны Ахраҿа агаразы аицлабрақәа рымҩаԥгара аҭоурых зегьы иалагӡаны иҟымлацыз, ари атурнир аҿы знык иадамзаргьы аиааира лзымгаӡеит Наталиа Симониа», - ҳәа иазгәеиҭеит Харлам Симониа.

Абри азы адырра ҟанаҵоит Аԥсны аҿари аспорти русқәа рзы Аҳәынҭқарратә Еилакы аофициалтә саит.