Бзиала шәаабеит ҳәа шәасҳәоит Аҩбатәи Аԥснытәи Амедициантә Форум аартрахь! Ҵыԥх ихацыркыз ас еиԥш иҟоу аусмҩаԥгатә шьҭа традициа бзианы иҟалеит. 

Амедицинатә ҭҵаарадыррақәа ракадемикцәа, рдокторцәа, ркандидатцәа еидызкылаз ари ахҭыс ҳтәыла амедицина арҿиаразы аҵак ду амоуп.

Афорум агәабзиарахьчара асистема аиӷьтәреи, ҳтәылауаа зхаҭабзиара ҳараку амедицинатә цхыраара рыҭара иазынархоу азеиԥш зыӡбақәа рыԥшаареи, астратегиақәа разырхиареи рзы агәабзиарахьчара аусбарҭақәа рхаҭарнакцәа, аҳақьымцәа, аспециалистцәа, аекспертцәа реидкылара хықәкыс иамоуп.

Сара агәра згоит ари афорум ареспубликаҟны амедициантә усхк аҿиара амҩаҟны ицхыраагӡаны ишыҟало. 

Аҳәынҭқарра аполитика ҳастратегиатә партниор хада - Урыстәылатәи Афедерациа ганрацәала аус ацура  арҿиара иазкуп. Уи атәы бзианы иаанарԥшуеит амедицина иактуалтәу аганқәа реиҳарак зымҽхазкуа иахьатәи ҳаиԥылара.

Ари уасмҩаԥгатә ахырхарҭа хадақәа ируаку, Аԥсни Урыстәылеи агәабзиарахьчара аусхк аҟны русеицура ҳтәылақәа амедицинаҟны иреиӷьу аԥышәеи, аԥхьагылара змоу атехнологиақәеи реимдара алнаршоит. 

Ишәзеиӷьасшьоит лыҵшәа змоу аусуреи шәҿаԥхьа иқәгылоу ахықәкқәеи ауснагӡатәқәеи ралышара».