Аҟәа. Мшаԥымза 10, 2024 шықәса. Аԥсныпресс. Ахәыҷтәы хореографиатә ансамбль «Аураашьа» ( анапхгаҩы – Валери Ҭаниа) Казань ақалақь аҿы имҩаԥысуаз афестиваль аҿы Гран-при агеит.
Ахәыҷтәы-қәыԥштә хореографиатә рҿиара азы III Урыстәылазегьтәи афестиваль-конкурс «Агәахәтәы аҟынӡа шьаҿак» («Шаг к мечте») мшаԥымза 5-7 рзы Ҭаҭарсҭан аҳҭнықалақь аҿы имҩаԥысуан.
Ансамбль «Аураашьа» х-кәашарак нанагӡеит – аԥсуа кәашара, адыга жәлар рыкәашара, аҭыԥҳацәа рыкәашара, урҭ зегьы актәи аҭыԥқәа ааныркылеит.
Аконкурс аихшьаалақәа рыла, ансамбль «Аураашьа» «Гран-при» анашьахеит, уи ателеканал «Культура» апроект «Большие и маленькие» алахәхара азы ааԥхьара аиуит.
