Москватәи аҳәынҭқарратә университет атәылақәа жәпакы рхаҭарнакцәа рзы, Аԥсны Аҳәынҭқаррагьы уахь иналаҵаны, Alma-Mater аҵакы змоу ҵараиурҭоуп. Иахьа уи аушьҭымҭацәа ироуз адыррақәа ҳтәылаҟны еиуеиԥшым ахырхарҭақәа рҿы рхы иадырхәоит.

Ҳаҭыр зқәу, Виктор Антон-иԥа, Шәара ишәылшаз рацәоуп урыстәылатәи иреиҳаӡоу ашколи аҭҵаарадырреи рырҿиаразы, жәларбжьаратәи аҭҵаарадырратә усеицзура амҽхак арҭбааразы. Абри инамаданы, иазгәасҭарц сҭахуп, Аҧснытәи аҳәынҭқарратә университети М. В. Ломоносов ихьӡ зху Москватәи аҳәынҭқарратә университети қәҿиарала имҩаԥысуа русеицзура атәгьы.

Ҳаҭыр зқәу Виктор Антон-иԥа, шәиубилеи аҽны ишәзеиӷьасшьар сҭахуп агәабзиара, анасыԥ, аҭҵаарадырраҿы аихьӡарақәа».