Аҟәа. Мшаԥымза 8, 2024 шықәса. Аԥсныпресс. Мшаԥымза 5 рзы Аҟәа ақалақь аҿы иҟалаз абылра аан ааха зауз ҩыџьа ахәыҷқәеи урҭ рани Шәачатәи анреи ахәыҷреи рыхьчара Ацентр аҟынтәи асанитартә авиациа ала Краснодартәи атәылаҿацәтә абылрахәышәтәратә Центр ахь ииаргеит. Урҭ рҭагылазаашьа акыр иуадаҩуп ҳәа ишьақәыргылоуп. Абри азы адырра ҟанаҵоит атәыла агәабзиарахьчаа Аминистрра апресс-маҵзура.
Абылраан убасҵәҟьа ахәрақәа зауз ахәыҷқәа раб Шәача ақалақь, ахәышәтәырҭаҿы дышьҭоуп. Аҳақьымцәа уи иҭагылазаашьагьы акыр иуадаҩуп ҳәа ахәшьара арҭоит.
Апациентцәа зегьы арыԥҳақәа рыҩныҵҟа иԥсабаратәым аҳауаеиҭарсра аппаратқәа иаҿакуп.
Аҭагылазаашьа Аԥсны агәабзиарахьчара аминистр Едуард Быҭәба хаҭала ахылаԥшра аиҭоит.
