«Аокруг ауааԥсыра агәынамӡареи агәҭынчымреи аадырԥшит. Урҭ ҳара иҳадҵаалеит, анапынҵақәа еизыргеит. Ҳара ҳгәаанагаралагьы ас еиԥш аӡбамҭа адкылара аццакцәара иазкуп, уи аемоциала иҟаҵаз аӡбамҭа ауп», - ҳәа иҳәеит иара.
Адепутатцәа реиҳараҩык Апарламент Аиҳабы Ихаҭыԥуаҩ игәаанагара иадгылеит, адепутат Инар Гыцба ҽҳәараанӡа изинмчы аанкылара ишақәшаҳаҭым азгәарҭеит. Убас Инар Гыцба изинмчы ҽҳәараанӡа аанкылара дақәшаҳаҭхеит аӡәы, иҽааникылеит аӡәы, уи ишақәшаҳаҭым азы рыбжьы рҭиит – 26-ҩык.
