Аҟәа. Хәажәкырамза 26, 2024 шықәса. Аԥсныпресс. Хәажәкырамза 26 рзы ииубилеи азгәеиҭоит Аԥсны иҟоу Аҷыдалкаатә зинмчы змоу Аахыҵ Уаԥстәыла Ацҳаражәҳәаҩ Олег Илиа-иԥа Боциев.
Аԥсны адәныҟатәи аусқәа рминистр Инал Арӡынба Олег Боциев 70-шықәса ихыҵра инамаданы адныҳәаларатә шәҟәы дәықәиҵеит.
Адныҳәалараҿы, ахәҭакахьала иазгәаҭоуп:
«Ҳаҭыр зқәу Олег Илиа-иԥа! 70-шықәса шәхыҵра инамаданы ишәыдышәкыл гәык-ԥсыкала иҟаҵоу адныҳәалара.
Шәара шәзанааҭдырра иҳараку аҩаӡареи адипломатиатә усура аҿы ишәымоу аԥышәа дууи ирыбзоураны, Аԥсны Аҳәынҭқарра аҿы еиԥш уи анҭыҵгьы аҳаҭырқәҵара шәҽаԥсашәтәит.
Аԥсны аԥсуа-аахыҵуаԥстәылатәи аизыҟазаашьақәеи аҩганктәи аусеицуреи рыҿиара аҿы шәлагала ахә ҳаракны иршьоит.
Шәира Амш аҽны, ҳаҭыр зқәу Олег Илиа-иԥа, гәык-ԥсыкала ишәзеиӷьасшьоит агәабзиара, агәамч, аизҳазыӷьара, шәнапы злаку аҭакзыԥхықә усура аҿы ақәҿиарақәа».
