Акриптовалиута арҳара азы аппаратқәа аконфискациа рызуп. Ари аус аматериалқәа зегьы Аԥсны Аҳәынҭқарратә ҳазалхратә Еилакы аҭҵаареи аҳазалхратә усеилыгарақәеи рыҟәша ахь инашьҭуп.
25.Хәажәкыр.2024
Аҳазалхратә ҭыԥ «Ԥсоу» аҿы иааныркылеит амаининг аппаратқәа хәба.
Аҟәа. Хәажәкырамза 25, 2024 шықәса. Аԥсныпресс. Аоператив-профилактикатә усмҩаԥгатәқәа рымҩаԥгараан аҳазалхратә ҭыԥ «ԤСОУ» аҿы Аԥсны Аҳәынҭқарратә ҳазалхратә Еилакы аусзуҩцәа автомашьына «Toyota Alphard» агәаҭара мҩаԥыргеит. Уи аԥсҟы икын Аԥсны атәылауаҩ Кәарҷиа А. Иу. Амашьына аҩныҵҟа ирыԥшааит акриптовалиута арҳара иазку аппаратқәа хәба, иара убас урҭ рыԥсахга хәҭақәа: афымцаԥшандагақәа ҩба, аԥсаҟьа, акабельқәа хԥа.
Аппаратқәа ҩба, иара убас урҭ рыԥсахга хәҭақәа амашьына асалон ахҟьа иҭаҵәахын, х-аппаратк амашьына аҵаҟа ишьақәыргылоу аԥсахга гьежь аҭыԥ аҿы иҵәахын.
