«Аԥсыцқьара афырхаҵара иазкӡам, уи иаанаго ахәымгара аҽаламгалара ауп», – ҳәа иҳәон ҳаамҭазтәи апоет, афилософ дуӡӡа.
Ахәылԥаз еиҿкаан Аԥсны арҿиаратә ҿар Реидгылара ала. Убри аан урҭ ацхыраара рынаҭеит Москватәи аԥсуа диаспора.
18.Хәажәкыр.2024
«Ҳазҭагылоу аамҭа»: Москва ақалақь аҿы Фазиль Искандер игәалашәара иазкны ахәылԥаз мҩаԥысит.
Аҟәа. Хәажәкырамза 18, 2024 шықәса. Аԥсныпресс. Москва ақалақь аҿы аԥсуа, аурыс литературақәа иналукааша аклассик Фазиль Искандер игәалашәара иазкыз ахәылԥаз «Ҳазҭагылоу аамҭа» мҩаԥысит, - ҳәа адырра ҟаҵоуп Феисбук «Москватәи аԥсуа диаспора» адаҟьа аҿы.
Ахәылԥаз аҿы иқәгылеит Аԥсны арҿиаратә ҿар Реидгыла аҟынтәи аԥсуа аԥхьаҩцәеи амузыкантцәеи Москватәи аԥсуа Диаспора алахәылацәа, иара убас ашәҟәыҩҩы ирҿиара ибзианы издыруа ааԥхьара зауз асасцәа.
Ахәылԥаз аҿы иззааҭгылаз атемақәа ируакуп аинтерес зҵоу Фазиль Искандер инысымҩеи иара ихаҭа ахақәиҭра, ахы аҳаҭырқәҵара, аламыс, гәыкала аҟазаара, уҳәа хра злоу аилкаарақәа дшырзыҟаз алацәажәара.
