Аԥсны аҳҭнықалақь ахақәиҭтәразы имҩаԥгаз Марттәи ажәыларатә операциа аҿы иҭахеит 222-ҩык аибашьцәа, шәҩыла еиуеиԥшым ахәрақәа роуит, 23-ҩык хабарда ибжьаӡит.
15.Хәажәкыр.2024
Марттәи ажәылара аҿы иҭахаз ргәалашәара азы Ахьӡ-Аԥша апарк аҿы ашәҭ шьыҵәрақәа шьҭарҵеит.
Аҟәа. Хәажәкырамза 15, 2024 шықәса. Аԥсныпресс. 1992-1993шш. Аԥсны жәлар Рџьынџьтәылатәи еибашьраан, Марттәи ажәылара аҿы иҭахаз ргәалашәара азы Аҟәа ақалақь, Ахьӡ-Аԥша апарк аҿы афырхацәа Рмемориал амҵан ашәҭ шьыҵәрақәа рышьҭаҵара ацеремониа мҩаԥысит.
Иҭахаз афырхацәа ҳаҭырла иргәаладыршәарц арахь имҩахыҵит Аҳәынҭқарра Ахада Аслан Бжьаниа, аԥыза-министр Алеқсандр Анқәаб, Жәлар Реизара-Апарламент Аиҳабы Лаша Ашәба, Аҳәынҭқарра Ахада Иусбарҭа анапхгаҩы Абесалом Кәарҷиа, ашәарҭадара Ахеилак амаӡаныҟәгаҩ Сергеи Шамба, аибашьра аветеранцәа, хатәгәаԥхарала еибашьуаз, Апарламент адепутатцәа, атәыла Анапхгара алахәылацәа, Аԥсны ауаажәларратәии аполитикатәи еиҿкаарақәа рнапхгаҩцәа.
