«Ахәыҷқәа абылрацәыхьчаратә техника, амцарцәаҩцәа рхы иадырхәо иҷыдоу амаругақәеи аиқәыршәагақәеи рыблала ирбеит, амцарцәаҩцәа русуреи амцарцәаратә шәарҭадара аԥҟарақәеи ирыдҳәалоу аинтересс зҵоу адыррақәа маҷымкәа ироуит», - ҳәа иазгәаҭоуп адырраҭара аҿы.
Аиқәырхаратә Хылаԥшырҭа аусузуҩцәа ражәақәа рыла, ас еиԥш ашколхәыҷқәа рԥыларақәа акыр хра злоу, аинформациа рацәаны изцу, ареспублика ауааԥсыра еиуеиԥшым иҷыдоу аҭагылазаашьақәа рҽацәыхьчареи, ашәарҭара анышьақәгыла ииашаны ахымҩаԥгашьеи рзы адыррақәа рызҭо усмҩаԥгатәқәоуп.
