АԤСНЫ АТУРИЗМ АМИНИСТРРА АҾЫ АТУРИЗМ АЗЫ АЗАКӘАН АПРОЕКТ ҾЫЦ АУС АДУЛАРА МҨАԤЫСУЕИТ.

06-марта-2023

АԤСНЫ АТУРИЗМ АМИНИСТРРА АҾЫ АТУРИЗМ АЗЫ АЗАКӘАН АПРОЕКТ ҾЫЦ АУС АДУЛАРА МҨАԤЫСУЕИТ.

Аҟәа. Хәажәкырамза 6, 2023 шықәса. Аԥсныпресс. Аԥсны атуризм Аминистрра аҿы «Атуризм азы» азакәан апроект ҿыц аус адулара иадҳәалоу азҵаарақәа ирылацәажәеит. Аилатәара рхы аладырхәит ахылаԥшырҭа аусзуҩцәеи ааԥхьара зауз азиндырыҩцәеи.

Атуризм аминистр Ҭеимураз Хишба, атәыла аҿы ҳаамҭазтәи ареалиақәа зныԥшуа азакәан ҿыц адкылара аҭахны иҟоуижьҭеи акрааҵуеит ҳәа иазгәеиҭеит.

«Ҳара акыр ҳалацәажәахьеи азакәан ҿыц адкылара, аха уажәы ауп уи аус адулара ахь ҳаныиас. Аԥышәа змоу азиндырҩцәа ааԥхьара рыҭоуп. Уи зыҟаҵоу азакәан аҿы абжьахақәа ҟамларц, уи ҳҳәынҭқарра аинтересқәа нагӡаны ианыԥшларц азы ауп. Агәыӷра ҳамоуп азакәан апроект ҿыц адкылараҿы Апарламент аҟынтәи адгылара ҳауп ҳәа», – иҳәеит аминистр.

Уажәы аус зуа атуризм азы азакәан 2005 -шықәсазы ирыдыркылеит.

Прочитано 591 раз