16-декабря-2022
АПАРЛАМЕНТ АҾЫ АКТӘИ АԤХЬАРААН АИНВЕСТИЦИАТӘ ЕИҨЫЗАРА АЗЫ АЗАКӘАН АПРОЕКТ РЫДЫРКЫЛЕИТ.
Аҟәа. Ԥхынҷкәынмза 16, 2022 шықәса. Аԥсныпресс. Жәлар Реизара-Апарламент адепутатцәа актәи аԥхьараан аинвестициатә еиҩазаразы азакәан апроект рыдыркылеит.
Азакәан апроект адгалара мҩаԥылгеит Аҳәынҭқарра Ахада Апарламент аҿы ихаҭарнак Наҭелла Ломиа.
Иарбоу азакәан апроект иарбоуп абизнес-проектқәа рынагӡара азы гәыԥҩык аинвесторцәа рԥаратә хархәагақәа зышьаҭала еидкылазар ҟало аинвестициатә еиҩызара азы аиқәшаҳаҭра абжьаҵареи анагӡареи, иара убас аанкылареи инарымаданы иҷыдоу асубиектқәа рыбжьара ицәырҵуа аизыҟазаашьақәа.
