08-ноября-2022

ДМИТРИ ГӘАЗАА LAMBORGHINI SUPER TROFEO EUROPE АХЫРКӘШАРАТӘ ЕТАП АҾЫ АРАӠНЫТӘ АԤХЬАХӘ ИГЕИТ.

Аҟәа. Абҵарамза 8, 2022 шықәса. Аԥсныпресс. Абҵарамза 3 – 6  рзы Португалиа имҩаԥысуан ачемпионат Lamborghini Super Trofeo Europe ахыркәшаратә етап. Уи  акатегориа Pro-Am аҿы акоманда  «Target Racing» аилазараҿы дықәгылеит Аԥснытәи аспортсмен Дмитри Гәазаа. Уи аекипаж аҿы дицын афранцыз пилот Милан Петеле. Дмитри Гәазааи Милан Петелеи рыкласс Pro-Am аҿы ахԥатәи аҭыԥ ааныркылеит,  ҳәа адырра ҟанаҵоит аҿари аспорти русқәа рзы аҳәынҭқарратә Еилакы.

Дмитри Гәазаа – Урыстәыла Ахраҿа Mitjet занашьоу, автоеицлабрақәа Moscow Indoor Karting Cup рҿы изныкымкәа аиааира згахьоу, Краснодартәи атәылаҿацәа Mitjet 2L аҿы араӡны аԥхьахә згахьоу, Mitjet 2016 FORMULA 1 RUSSIAN GRAND PRIX адгылара аҭаразы имҩаԥгаз автоеицлабрақәа рҿы ирылахәыз, аиаҵәахә «Шесть часов Ле-Мана» аҿы афранцыз команда«Speed Car» аилазаараҿы иалахәыз аспортсмен иоуп.

2021 шықәсазы Дмитри Гәазаа иҩыза Андреа Колои дицны автоеицлабра  Lamborghini Super Trofeo аҿы икласс Pro-Am аҿы аиааира игеит, иара убас урҭ ԥшьынтә аԥхьахәқәа ргеит.


Прочитано 991 раз Последнее изменение 11.11.2022
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.