Аҟәа. Жәабранмза 4, 2023 шықәса. Аԥсныпресс. Аԥснытәи атхеквондистцәа Амуниципалтә Еиҿкаара Кургантәи араион аԥхьахәгара аҿы 19 медал ранашьахеит.
Атурнир рхы аладырхәит Краснодартәи атәылаҿацә, Адыгеиа, Ҟабарда-Балкариа, Аԥсны рҟынтәи 300-ҩык инаеиҳаны аспортсменцәа.
Аԥсны Аҳәынҭқарра ахьӡала иқәгылон 12-ҩык аспортсменцәа, урҭ спарринги стоп-балл апрограммақәа рыла актәи 10 ҭыԥк, аҩбатәи 6 ҭыԥк, ахԥатәи 3 ҭыԥк ааныркылеит.
Актәи аҭыԥқәа ааныркылеит: Сергеи Барцыц (ҩ-медалк), Дамир Ванаба, Арсен Челикиан, Даниел Манукиан, Роланд Абрамиан, Макар Мумџьиан, Камила Папазиани Ашоҭ Терзиани.
Араӡны медалқәа ранашьахеит: Армен Пашиан, Альберт Бабаиан, Даниел Манукиан, Рамина Атулиан, Дамир Ванаба, Арсен Челикиан, Макар Мумџьиан, Даур Бондари Камила Папазиани.
Ахԥатәи аҭыԥқәа ааныркылеит: Армен Пашиан, Рамина Атулиани Альберт Бабаиани.
Аспортсменцәа азыҟарҵоит Едуард Арзуманиани Ахра Еныкьи.
