24.Ажьырныҳәа.2023

2022 ШЫҚӘСА АИХШЬААЛАҚӘА РЫЛА АҲӘЫНҬҚАРРАТӘ БИУЏЬЕТ АНАГӠАРА 12 МЛРД 736 МЛН МААҬ РҞЫНӠА ИНАӠЕИТ.

  • font size decrease font size increase font size
  • Акьыԥхьра
  • Email

Аҟәа. Ажьырныҳәамза 24, 2023 шықәса. Аԥсныпресс.  2022 шықәса аихшьаалақәа рыла аҳәынҭқарратә биуџьет анагӡара  12 млрд 736 млн. мааҭ рҟынӡа инаӡеит. Уи ишьақәырӷәӷәаз арбагақәа раасҭа 1 млрд 273 млн. мааҭ рыла еиҳахеит. Ареспубликатә биуџьет азы азакәан ишьақәнаргыло аԥхьанаттәи апараметрқәа рганахьала, ахашәалахәытә хәҭа аизҳара 1 млрд 983 млн. мааҭ рҟынӡа инаӡоит, - ҳәа 2022 шықәсазы аусура аихшьаалақәа ирызкны Аҳәынҭқарра Ахада Иусбарҭа аҿы имҩаԥысыз аилатәара аҿы дықәгылауа  адырра ҟаиҵеит аԥыза-министр Алеқсандр Анқәаб.  

Аҳәынҭқарратә биуџьет ахатәы хашәалахәқәа 8 млрд 30 млн мааҭ рҟынӡа инаӡоит, уи 1 млрд 275 млн мааҭ рыла иалкааз арбагақәа раасҭа еиҳауп.  

Атәыла анапхгара ахада аҳәынҭқарратә биуџьет ахашәалахәқәа рыструктура ҷыдала дазааҭгылеит.

«2022 шықәсазы ашәахтә лагалақәа 6 млрд 309 млн мааҭ рҟынӡа инаӡон, уи азеиԥш рбагақәа рҟынтәи 45,9% рҟынӡа инаӡоит; ишәахтәым ахашәалахәқәа 1 млрд 600 млн мааҭ рҟынӡа инаӡоит, хәыда-ԥсадатәи алагалақәа - 5 млрд 827 млн. мааҭ. Ишәахтәым ахашәалахәқәа рыла алагалақәа рзеиԥш еицҵалыҵ ихадоу ахәҭа абас ала ишьақәгылон: адәныҟаекономикатә усура аҟынтәи ахашәалахәқәа  - 1 млрд 26 млн мааҭ, административтә шәатәқәеи аизгақәеи - 150 млн мааҭ, ахараԥсақәа, асанкциақәа, азарал ахарҭәаарақәа - 153 млн. мааҭ», – ҳәа инаҵшьны иазгәеиҭеит атәыла аԥыза-министр.

Ихәыда-ԥадоу алагалақәа ихадоу ахәҭа шьақәгылоуп Урыстәылатәи Афедерациа аҟынтәи афинанстә цхыраара ала. Уи 2022 шықәсазы 5 млрд 708 млн. мааҭ, мамзаргьы даҽакала иуҳәозар,  азеиԥш рбагақәа рҟынтәи 45,9% рҟынӡа инаӡоит.   

Аԥсны асоциал-економикатә ҿиара азы Урыстәылатәи Афедерациа аҟынтәи афинанстә цхыраара 4 млрд 158 млн. мааҭ рҟынӡа инаӡоит, Аԥсны асоциал-економикатә ҿиара ацхыраара азы Аинвестициатә программа анагӡара аҳәаақәа ирҭагӡаны абиуџьеттә инвестициақәа рыҟаҵара азы  – 1 млрд 550 млн. мааҭ.

Ахатәы хашәалахәқәа еиҳау ахәҭа  ашәахтәқәеи аизгақәеи Рминистрреи аҳәынҭқарратә ҳазылхратә Еилаки рхылаԥшрала иҟаҵаз алагалақәа рыла ишьаҭаркуп..

«Иарбоу ахылаԥшырҭақәа иааубаратәы еиԥш активла аусура анагӡара алдыршеит», - ҳәа иазгәеиҭеит Алеқсандр Анқәаб.

Ареспубликатә биуџьеҭ ахашәалахәытә хәҭа анагӡара 10 млрд 634 млн. мааҭ рҟынӡа инаӡеит. Уи 889 млн. мааҭ рыла  2022-тәи ашықәс азы ишьақәырӷәӷәаз ареспубликатә биуџьеҭ Ареспубликатә биуџьеҭ ахашәалахәытә хәҭа анагӡара 10 млрд 634 млн. мааҭ рҟынӡа инаӡеит. Уи 889 млн. мааҭ рыла  2022-тәи ашықәс азы ишьақәырӷәӷәаз ареспубликатә биуџьеҭ апараметрқәа - аԥхьанаттәи апараметрқәа рганахьала 1 млрд 223 млн. мааҭ рыла еиҳауп. Ахатәы хашәалахәқәа раҳасабала Ареспубликатә биуџьет иалагалаз аԥаратә хархәагақәа реицҵалыҵ 4 млрд 947 млн мааҭ рҟынӡа инаӡоит, убри аан ишьақәырӷәӷәаз апараметрқәа   4 млрд 36 млн. мааҭ рҟынӡа инаӡоит.

Атәыла аԥыза-министр иажәақәа рыла, 2022-тәи ашықәс азы ареспубликатә биуџьет ахь ахатәы хашәалахәқәа ралагалара аизҳара аиҳарак изыдҳәалоу факторқәаны иҟалеит:

Ашәахтәқәҵаратә база арҭбаара, уаанӡа ашәҟәы иҭагаламыз ашәахтәшәаҩцәа ашәҟәы рҭагалара уахь иналаҵаны;

Ишәамкәа иҟаз ауалқәа ршәара алыршара;

Ашәахтәқәеи аизгақәеи ршәара анапхгараҭара аҩаӡара ашьҭыхра.

Алеқсандр Анқваб иара убасаҭыԥантәи абиуџьетқәа рхашәалахәқәа реизҳара атенденциа шыҟоу азгәеиҭеит.

«Иҳаҩсыз ашықәс азы ақалақьқәеи араионқәеи зегьы ицәгьамкәа аус руит», - ҳәа инаҵшьны иазгәеиҭеит атәыла анапхгара ахада.

 

 

- Ахаша, 25 Ажьырныҳәа 2023 17:04
РГУ "АПСНЫМЕДИА" Информационное Агентство "АПСНЫПРЕСС" © 2023 Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info. При полной или частичной перепечатке текстовых материалов в интернете гиперссылка на www.apsnypress.info обязательна.