18.Ажьырныҳәа.2023

АЖЬЫРНЫҲӘАМЗА 19 РЗЫ АМИНИСТРЦӘА РЕИЛАЗААРА АИЛАТӘАРА МҨАԤЫСУЕИТ.

  • font size decrease font size increase font size
  • Акьыԥхьра
  • Email

Аҟәа. Ажьырныҳәамза 18, 2023 шықәса. Аԥсныпресс.  Ажьырныҳәамза 19 рзы имҩаԥысраны иҟоу аминистрцәа Реилазаара аилатәара амшхәаԥштә иалагалоуп асоциалтә ҵакы змоу азҵаарақәа 9.  

Анапхгара 2023 шықәсазы  ахықәкытә напхгаратә программақәа шьақәнарӷәӷәараны иҟоуп:

«Атылауаа Ареспублика Аԥсны иахьаҵанакуа еиԥш уи анҭыҵгьы рыхәышәтәра аиҿкаара».

«Аԥсны аҳәынҭқарратә медицинатә усбарҭақәа рзы ахәшәқәеи амедицинатә маҭәахәқәеи амаругақәеи  еизакны раахәара».

«Аҷаҷа чымазара змоу рзы Аԥсны ахарҭәааратә терапиа аҿиареи аиҿкаара аиӷьтәреи».

«1992–1993 шш. Аԥсны аџьынџьтәылатәи еибашьра аинвалидцәа рмедицинатә реабилитациа».

«Аԥсны ауааԥсыра атуберкулиоз чымазара рацәыхьчара иазку аусура аиӷьтәра».

«Аԥсны Аҳәынҭқарра Арбџьармчқәа рҿы арратә уалԥшьа анагӡаразы ааԥхьара иаҵанакуа аҿар разыҟаҵараан амедицинатә еиқәыршәара аиҿкаара».

Амшхәаԥштә зҵаарақәа ирылагалоуп иара убас Биџьев К. Иу., Ҵәыџьба Д. Т. рҭаацәарақәа зныктәи асоциалтә шәатәқәа рыҭара азҵаарақәагьы.

Ԥхынҷкәынмза  25,  2019 шықәсазы аминистрцәа Реилазаара иаднакылаз «Автотранспорттә хархәагақәа рыхәҭазаара анормақәа рзы» Ақәҵара №217 аиҭакрақәа ралагаларагьы азԥхьагәаҭоуп.  

РГУ "АПСНЫМЕДИА" Информационное Агентство "АПСНЫПРЕСС" © 2023 Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info. При полной или частичной перепечатке текстовых материалов в интернете гиперссылка на www.apsnypress.info обязательна.