30.Абҵара.2022

АԤСНЫ АҲӘЫНҬҚАРРА АХАДА АСЛАН БЖЬАНИА УРЫСТӘЫЛАТӘИ АФЕДЕРАЦИА АФЕДЕРАЛТӘ ЕИЗАРА АҲӘЫНҬҚАРРАТӘ ДУМА АХАНТӘАҨЫ ИХАҬЫԤУАҨ СЕРГЕИ НЕВЕРОВ ДЫЗЛАХӘЫЗ АИԤЫЛАРА МҨАԤИГЕИТ.

  • font size decrease font size increase font size
  • Акьыԥхьра
  • Email

Аҟәа. Абҵарамза 30, 2022 шықәса. Аԥсныпресс. Аԥсны Аҳәынҭқарра Ахада Аслан Бжьаниа Урытәылатәи Афедерациа Афедералтә Еизара Аҳәынҭқарратә Дума Ахантәаҩы ихаҭыԥуаҩ Сергеи Неверов дызлахәыз аиԥылара мҩаԥигеит.

Аиԥылара аҳәаақәа ирҭагӡаны ирылацәажәеит Аԥсни Урыстәылеи рыбжьара аҩ-ганктәи аусеицура иадҳәалаз азҵаатәқәа.

Аизыҟазаашьақәа рыҩаӡара ҳаракы азгәаҭаны, аҳәынҭқарра Ахада иаҵшьны иҳәеит, астратегиатә еидгылара арӷәӷәара иамоу аҵакы. «Ҳара аҵак ду аҳҭоит Аԥсны Апарламенти Аҳәынҭқарратә Думеи русеицура. Гәахәара дуа ҳацклаԥшуан Аԥсны аделегациа Урыстәыла Аҳәынҭқарратә Дума аҭаара. Жәаҳәарада, ари ҳаиашьареи ҳаиҩызареи ртәы аҳәоит»,- ҳәа иҳәеит Аҳәынҭқарра Ахада.

Сергеи Неверов иганахьала аҳәынҭқарра Ахада иҭабуп ҳәа еиҳәеит иҟаиҵаз адкыларазы. Иара иазгәеиҭеит ҩ-ҳәынҭқаррак рыбжьара аиқәшаҳаҭра алыршара иазку еиуеиԥшым ахырхарҭақәа рыла Аԥсны Жәлар Реизара-Апарламент аус ацура аԥхьаҟагьы ишазхиоу.

Аиԥылара иалахәын Аԥсны Жәлар Реизара Аиҳабы Лаша Ашәба, Аиҳабы ихаҭыԥуаҩ Асҭамыр Аршба, Аҳәынҭқарра Ахада Иусбарҭа Анапхгаҩы Џьансыхә Нанба, Аԥсны иҟоу Урыстәылатәи Афедерациа Ацҳаражәҳәаҩ Михаил Шургалин.

 

 

РГУ "АПСНЫМЕДИА" Информационное Агентство "АПСНЫПРЕСС" © 2023 Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info. При полной или частичной перепечатке текстовых материалов в интернете гиперссылка на www.apsnypress.info обязательна.